Foodie 生活雜誌

11/2019光顧

喺香港專門食sukiyaki的餐廳唔多。呢間餐廳開左兩年，口碑唔錯，仲喺附近開左分店，應該幾有實力。午餐點左sukiyaki set，由日藉師傅主理，煮埋你食，笑容好又專業。牛肉靚蔬菜甜，有埋甜品咖啡，價錢唔平，但物有所值，可以一試。

兩間餐廳すき焼森Sukiyaki Mori及Sukiyaki Mori Kyuu すき焼森久，若要揾日藉師傅主，可於訂位時提出。日藉師傅只在 Sukiyaki Mori Kyuu すき焼森久。不過我估其實無乜所謂。

餐廳細細，在荷里活道。分店就在附近卑利街，餐廳設吧枱、卡位及兩張四人枱，地方頗迫夾，另有房間

師傅在切肉準備，油花均勻

前菜

蒸蛋 好濃郁的高湯，內有幾款菌

牛肉 相中係四人份量，分西冷及兩款牛肩，師傅順次序燒，牛味愈食愈濃

蔬菜盤 相中係四人份量，日本蔬菜，其中的麵筋特別好味

全程由師傅主理，坐喺度等食就得

sukiyaki 除左食材以外，個汁都好重要，師傅即塲調教味道，唔太甜又唔太咸，味道剛好。

用牛脂肪起鑊

每塊牛配不同蔬菜，蘸蛋漿食，另外餐廳會提供一小碗飯配肉食，可以添飯，所以幾飽

由於醬汁係加糖後再加汁調味，砂糖易燶，師傅為左答我菜名的廣東話講法，行開左半分鐘，回來後件牛肉只係條邊濃左少少，佢立即叫人切過塊重煎，好認真。可能見到我望住塊佢打算放棄，而我覺得好好的牛肉依依不捨，佢比我食埋🤣🤣

最後可選飯或烏冬，但師傅無問我選乜，直接上佢口中的「蛋飯」。即係牛肉粒滑蛋飯。蛋滑牛肉香，加埋煲內的汁，好香

衘飯、香物、味噌湯 味噌湯加左山椒，有點麻，未試過。師傅極細心，在坐一位朋友唔食香菜，之前的春菊同洋蔥都唔食，去到碗飯，師傅自動自覺同佢走蔥，我忍唔住當面讚佢細心

套餐包括雪糕及咖啡

午餐及晚餐menu 若午餐要食我呢個sukiyaki set，要予約。