Foodie 生活雜誌

我見識少，從前以為哥本哈根就係丹麥的全部，多得坊間的旅遊雜誌介紹，再加上G神的幫忙，至知道丹麥係有其他城市。Aarhus 奧胡斯係丹麥的第二大城市 (第一當然係哥本哈根），睇到介紹有我喜歡的藝術館（ARoS Aarhus art museum ）同圖書館（DOKK 1) ，決定來此城遊覽。丹麥比我的感覺係型，無論人、建築、設計、時裝，通通都型，所以呢間DOKK1 圖書館，都係一個型字。敞大的空間、舒適的環、內容豐富的圖書館，充分反映出丹麥人的生活品質。晚餐隨意選擇附近的Aarhus street food，不俗的食物配合悠閒的氣氛，又一驚喜，滿足的一天。

每次去自駕旅行，泊車都係一個猜迷遊戲，就如今次，DOKK1附設收費停車場，全自助，同日本一樣，送架車去坐電梯，望位旁邊的人泊，學左之後諗住得，點知試左幾次都泊唔到，唯有求助，一問之下至知道原來因爲架車太大，係泊唔到的，職員安排我地泊工作人員車位，當然錢照收啦。

搞左一輪終於泊好車，可以入內參觀。DOKK1 座落海旁，係一個多功能空間，除左有曾獲選為全球最佳的圖書館外，仲有展覽塲地、遊戲室、工作坊等，等同我地舊日的社區會堂。

圖書館的information counter，似酒店concierge 多d

若見唔到BIBLIOTEK呢個字，我會以為呢度係一間書店。

自動化還書機，可以自動分類到中央藏書庫，再由人手送上書架，慳好多時間同manpower。全個過程有段短片介紹。

圖書車都型過人，兩用，書架反起成水平線就變成一個籃，同行的温柔媽係圖書館職員，羨慕之情溢於言表🤣

館內餐廳，顧客都係靜靜的，有質素的國家孕育出有質素的國民，有質素的國民至可以成就有質素的國家，相輔相成。

館內的音樂館藏，有CD有黑膠唱片，我可以乘機介紹黑膠唱片比少爺仔認識，仲示範佢睇放碟同放唱針，佢覺得好新奇呢

館內有多處閱讀區，個個都似坐椅show room，又要比個型

中庭一條廣場式大樓級通往二樓，實用與美觀並重

二樓，透明天花的中庭，引入自然光，倘大的空間，感覺舒適

工作坊

今期應該係書藝創作

圖書館坐落海旁，一列落地玻璃，旁邊多張舒適坐椅，市民坐喺度睇書或上網，睇攰了就望下海，寫意到不得了，交稅都交得順氣

當然少不了兒童圖書館，多個遊戲室照顧不同年齡的孩子，書架高矮不一，以小朋友為本，提供一個舒適開心的地方，培養閱讀興趣。

亮點係有遊戲機打，除左switch 之外，居然連年代久遠的街機street flightier 都有，我地團內的幾位小朋友都好少打機，來到即時雙眼發光，可惜我地大人更興奮，忍唔住霸位打左幾局，睇下相中小朋友慘被奪位，無奈地企埋一邊

室外都有遊樂場，以動物為主題的攀爬設施，小朋友玩到唔願走

晚餐時間，DOKK1對面有間香港酒樓，好有親切感。似乎呢度的香港人都唔少？

晚餐當然唔會食香港酒樓。跟G圖揾，見到附近有個food hall，過到來至知係舊貨倉改建成的熟食市場，好熱鬧。 food street 旁有車位

露天坐位，歐洲夏天日長夜短，晚上7點都似下午，時間好襟用

歐洲人當狗狗係屋企人一樣，當然有地方佢地用餐

食店都在室內

二十幾檔售賣不同食品，酒水甜品，除左西式，亜洲食物都有，頗多選擇

室內都有坐位，不過風和日麗，當然坐室外

fish & chips 用新鮮魚，少爺仔試過後大愛要點兩盤，老闆仔揾到至愛的米飯，聰明仔又有burger食，呢餐各得其所，食得開心。少爺仔喺香港只講中文，來到丹麥我鼓勵佢多講英文，自己食物自己點，佢好有成功感呢。

丹麥的洗手間裝飾設計好有特色，無需要去都要參觀，food street 內的女厠每格都有不同設計，好型

飲飽食醉，駕車回家，睇個天以為係黃昏，其實已經係夜晚。

晚上10時的晚霞