FLEUR@荃灣 @ Foodie 生活雜誌

8/2019光顧

潮流興打咭，所以催生左好最緊要靚的打咭餐廳。某日去the mills食lunch，行過見到呢間餐廳外表好吸引，加上雜誌介紹話係以澳洲的cafe為藍本，以新鮮食材配合簡單烹調，我好懷念澳洲cafe 的食物，決定擇日到來。餐廳出品食物擺盤精緻，但味道一般，食唔出食材突出之處，份量好細，我覺得係包左打咭費。

題外話 ：喺the mills試過三間餐廳，無一間滿意，三間都係只宜打咭，食物質素平平的餐廳，我比較重視食物味道，加上地點對我來講好吊腳，無乜事都唔會再過來了。

餐廳裝修主調以金色襯白色，配上雲石枱，感覺高貴

餐廳半開方式，枱椅放到餐廳外，不過若坐呢個位就無謂食了，連打咭的意義都無埋。

店面以鮮花裝飾，亦係吸引我光顧的其中一個理由

餐牌好簡單，菜式名字只寫主菜食材，唔花巧

張相上面已經有哂所有主菜的樣貌

pastry，感覺零落，應該係昨晚未賣完的，因為我一開店就到。

CROISSANT LOVER 餐牌內的食物都係熟口熟面的菜式，唯有呢個夾左軟殻蟹的牛角包較特別，軟殼蟹炸得酥軟，難得夾落以牛油為主的牛角包都唔會太油淋淋，自家製酸菜幾好味，不過少到差點食唔到，加隻荷包蛋令到口感更rich，其實幾好味，不過個包加埋一要成百四蚊，仲要咁細個，食完我覺得自己好蠢，所以唔會再來。