Foodie 生活雜誌

離開琴平，返回岡山，先喺酒店酒店寄存行李後再往兒島。兒島以出產牛仔布著名，出站後步行約二十分鐘往牛仔褲街，整條街都有牛仔褲裝飾，多間售賣牛仔服飾的店鋪，不過一般貨品都能在倉敷美觀地區買到，可能我在平日來，好多店鋪都關門，四周靜悄悄，無乜氣氛，若週末來會較熱鬧吧，兒島對於我吸引力唔大，逛兩逛就走，叫做到此一遊。晚餐於倉敷食西餐，質素一般，頗失望，但不得不讚賞信用卡白金秘書的服務，以前互聯網未有咁方便時，去日本好多時都請白金秘書幫忙訂民宿或餐廳，後來互聯網普及，好少再用此服務。由於今次想預約的餐廳因爲我唔識講日文而拒絕招待，自己又無心水，想起白金秘書，結果秘書為我提供多間餐廳選擇，email內更附上餐廳資料，非常貼心，讚👍🏻

晚餐資訊：

Candle Watanabe House キャンドル卓渡邉邸 (只提供套餐)

地址 ：岡山県倉敷市中央2丁目5-19

到達兒島站，處處見牛仔布裝飾，無論電梯、氣水機、樓梯都漆上牛仔褲的圖案，步出車站更見到晾起一排排牛仔褲，好有趣。

高過太后的特大牛仔褲裝飾

進入Jeans street

區內地圖，好多售賣牛仔褲的店鋪

亦有好多店鋪未有營業

洗手間都畫上牛仔褲pattern

最搶眼可能係呢間賣Big John 品牌的店，店內貨品種類多，又有埋板房、体驗工塲，好大間

當然唔少得咖啡店，咖啡豆都用牛仔布包裝

回岡山時在車站遇見麵包超人列車，好想搭呢

黃昏的倉敷美觀地區

對餐廳完全無概念，來到見到係一間民居的門面，感覺特別，有點期望

餐廳門面幾骨子

餐廳以爉燭做裝飾，好有氣氛

餐廳只提供套餐，是日餐單，餐單不定期轉換

咁嘅氣氛，應該飲杯酒

食物非常一般，賣相欠精緻，最估唔到係頭盤隻蝦居然唔新鮮，雪味重，日本海產多，好少會食到質素如此差的蝦，睇網頁介紹，店主似係半途出家，對煮食有興趣，所以開店，不過唔啱我口味

餐廳二樓係賣爉燭的店

我同白金秘書話想食法國或意大利菜，佢真係比左區內咁多間餐廳選擇，雖然最後試到的餐廳唔多滿意，但就好滿意秘書的服務