Foodie 生活雜誌

6/2019 光顧

荔枝角至深水埗一帶食店多如繁星，仲要好多都係唔起眼的街坊小店，雖然好多都被雜誌介紹過，但各人口味不同，都係跟老友揾食安全點，好友住在長沙灣，推介來呢間街坊小店。小店招牌菜係雲吞及雞扒，簡單的湯麵，住家的味道，食完唔口渴。店主友善細心，我點左麻辣湯底，佢見我係咁飲水，主動話要換番豬骨湯比我，非常貼心，最後我當然無換，唔想浪費。雖然小店提供的唔係非凡美食，但窩心的服務，平實的味道，買少見少的小店，更覺珍貴。（不過店名有點複雜）

薑汁椰菜雲吞米線加溏心蛋 選麻辣湯底，即係豬骨湯加麻辣，湯底清甜麻辣香，我怕辣，呀姐只象徵式幫我加少少辣，可能因為咁，感覺輕身，唔係一般麻辣湯的重口味。雲吞皮有咬口，菜同肉比例均勻，饀料清甜無味精，不過食唔到薑汁味。溏心蛋一般，可能已被香辣搶去味道，整碗麵食完唔口渴，讚👍🏻

呀姐勁推的自家製菜甫，但實在太辣，一食已嗆喉，留番比食得辣的人

小清風格新店面，地方細細，只得十幾個位，全無裝飾，感覺似小店臨時搬左入一間已退租的咖啡店一樣