3/2019光顧
嚟過一次咁大把就當我係熟客,因為唔想坐大廳靠牆的位,經理好好,唔收charge就比左間海景房我,好多謝,仲比埋杯welcome drink,真係生意難撈。餐點仍然精緻可口,食得滿意。不過服務就認真欠佳,唔夠細心之餘,某侍應仲由頭黑面到尾,我忍唔住問經理呀侍應小姐係咪失戀,經理只能苦笑回應,明嘅,香港請人難嘛,忍得咪忍囉,我估香港餐飲業服務之差應該係全亞洲之首😡
之前食後感 :
https://hearoom.pixnet.net/blog/post/347412446-a-nu-retrouvez-vous-%40尖沙咀海運大厦
唯一有海景的房間,靜靜地,舒舒服服談天說地,正
welcome drink 係sparkling tea, 做到似氣泡酒咁,如假包換的以茶代酒,搞下氣氛
麵包兩款,墨汁包及法包,水準仍然高,但今次無左個好好味的brioche,失望
開胃菜三小碟分別係 : 高湯啫喱配椰子pana cotta ,牛骨凍湯蕃茄及北海道海膽,款款精緻,清新美味
second course 同開胃菜一齊上,蓮藕內有奶油,上面插上金菇菜及火腿炸香,點咖哩粉食,食落甘香,味道多層次,不俗
春筍伴櫻花蝦 春筍甜嫩,櫻花蝦炸得脆香,大廚有心思地將兩者擺成龍蝦一樣。
煎鰆魚 魚肉彈牙,魚皮煎得好香脆,配上濃郁的龍蝦汁,baby spinach 翠嫩,好味
oyster risotto 呢個要pre-order,等於main course 。餐牌已無供應。用岩手縣的生蠔,鮮甜肥美,risotto 加入糙米,煙煙靭靱,汁香味濃,好美味的一道菜。
甜品 雲呢拿雪糕外包上一層開心果,鋪上啤酒泡泡,啤酒泡已抽走酒精,只餘麥味,整件事好豐富。
Petit four 係cheese cake, 聊勝於無
留言列表