IMG_8335.JPG

1/2019光顧

 

呢類喺日本周街都係的連鎖店,我喺日本唔會幫襯,(因為成日懶特別咁要揾d特色嘢)喺香港的時候,想起日本個價錢,又嫌佢唔值,更唔會幫襯。當日行過海運大厦OTE,諗唔到食乜,見到呢間之前喺新加坡食過,印象不俗。即管試下。點左簽名菜美人鍋同炭燒走地雞加個小食及甜品,咁就無左八舊幾,食物味道比我想像中好,環境同服務都唔錯,要知道喺OTE內的餐廳,張單一半價錢係比個景,所以唔算太肉赤。但都唔會再來。

 

每次幫襯完日本的連鎖式過江龍總係有點不是味兒,喺日本,無論幫襯邊間分店,質素相差不大,但來到香港就總係走樣,有形無實,係管理問題?定係文化差異?值得一讚的係呢間的服務人員有禮貌又熱心,雖然對產品唔太熟悉,但對比今時今日的餐廳服務,我已經好滿意。

 

同好多日本餐廳一樣,室內以木材為主要裝修物料,燈光柔和,感覺温暖。一大列落地玻璃,窗外就係維港美景。

IMG_8336.JPG

室外亦有幾個吧台位,望住維港夜景飲番杯,又幾有情調

IMG_8337.JPG

美人鍋 充滿骨膠原的雞湯,配料係蔬菜、幾粒肉丸加半隻雞。呢度係二人份,火鍋盤上層係幾種蔬菜,芝麻味及七味粉味雞肉丸

IMG_8338.JPG

下層係半隻雞,雞肉幾滑,有雞味。

IMG_8339.JPG

侍應會幫你放哂d食物落鍋,記住食左蔬菜先,否則好似我咁,d菜浸到霉哂。湯底香濃,食到最後仲有點黏口,感覺好實在。火鍋跟三款醬汁,不過我無點,因為食物已夠味,我只記得其中一款係麻醬。

IMG_8340.JPG

梳乎厘玉子燒加明太子 其實就好似西班牙奄列咁,入面放左明太子。蛋厚有空氣感,口感幾好,蛋內的明太子係流心狀,先用鍋煮再反轉級落碟,但煮得唔夠乾身,蛋邊圍滿油水。

IMG_8341.JPG

IMG_8342.JPG

炭燒走地雞 呢碟雞$228,價錢貴,份量少,雞肉鞋,就算係日本雞都係咁話,認真麻麻。

IMG_8343.JPG

美人甜卷 睇餐牌相片,設計有趣的甜品。用米紙皮包住抹茶雪糕,白玉,及一點芒果,真係得「一點」,完全食唔到芒果味。米紙卷的米紙頭尾乾硬。睇相係卷上鋪滿黃豆粉,配上黑糖醬,但現實係只灑上少少近乎無的粉。餐牌總係會寫上「圖片只供參考」,明白係為免吹毛求疵的顧客爭拗,但係實物若與照片相差太遠,又何必呢?

IMG_8344.JPG

 

 

 

 

 

 

 

 

 

 

 
 
 
 
arrow
arrow
    全站熱搜

    Hearoom 發表在 痞客邦 留言(0) 人氣()