今日午飯遇著5個為食鬼，好開心！話說我一條友在相熟餐廳食午餐，首先同店員棋哥飲幾杯，見到餐牌上有個鮑魚、蜆焗飯好吸引，但棋哥話個飯係二至三人份量，我一個人食唔哂，叫我唔好點，我實在忍唔住，燒賣就燒賣，照點。上枱時隔離枱的高貴兩母女好有興趣，係咁望住，相請不如偶遇，反正我食唔哂，就邀請兩位一齊食，兩位又好客氣，同我分享佢地的pasta同甜品。一傾之下，原來大家都係為食貓，於是一路食一路分享食經，大家傾得興起，再發現原來店內有另一個孤獨試食家都係為食貓，已經同棋哥傾緊，結果五個互不相識的人就興高采烈地交換心水餐廳，不亦樂乎，雖然萍水相逢，但係一個好有趣的偶遇。
餐廳已變為two man band，好free，廚師（亦即係老闆）可以為所欲為，廚房已經成為佢個實驗室，喜歡煮乜就煮乜。小店逢星期一至六營業，午餐只開星期二及四五六，不過若無booking 就唔開，晚市則星期一至六都有。二人組逢星期三會入坪洲買開鮮，睇下當日戰利品再決定餐單，應該幾有趣，下次試下先😁
之前食後感 ：
https://hearoom.pixnet.net/blog/post/344124247-再訪queen-hollywood%40上環荷里活道
帶支手信去比棋哥，佢即時開嚟些牙，可惜燒酌我實在頂唔住，之後棋哥酒興到，比左幾杯佢喜歡的酒我試。清酒真係唔錯，可以發掘下
老闆剛剛在日本買左個鍋回來煮飯。
鮑魚、蜆焗飯，我以為係釜飯feel，點知打開水汪汪，似雜坎
配料有新鮮原隻蜆、鮑魚及菇，好鮮味，飯內加左水牛芝士，口感更豐厚。我喜歡食雜坎，所以好受落，食左三碗，分左兩碗比人，呢度食物份量一向較少，其實係二人份量啦。
兩碗飯換左咩回來？有是日意粉 : 白飯魚加日本蘿蔔拌柚子胡椒汁，成件事好日本。蘿蔔好多汁，意粉一貫有咬口
仲有焦糖李子汁Pina cotta。其實我已勁飽，兩母女太客氣了，真正的開心share
留言列表
香港食食食 (25)
