Foodie 生活雜誌

11/2018光顧

餐廳晚上做私房菜，在wish list 上有好一段日子，由於評價好壞參半，一直心大心細，今次終於的起心肝來試。餐廳隱身於舊式商場內的一個小鋪位，地方細小，晚餐係套餐，$350一位，無餐單，訂位時店主會問有乜唔食，我只通知店家朋友唔食牛，其他乜都食。菜價簡單，大路菜色，一般的沙律餐湯煎扒意粉，勝在份量足，大份到食唔哂，但食材同味道非常一般，烹調方式粗糙，我覺得麻麻。

餐廳在舊式商場角落，商場晚上基本上無人行，所以坐出鋪位外都無所謂。聽過有人叫佢隱世餐廳，不過自從有互聯網之後，我唔覺得呢個世界仲有隱世的地方。餐廳細細，桌椅都係迷你版。

廚房都好細，不過菜式唔複雜，簡單廚房都應付到

坐低送上一杯花茶，有幾款茶包選擇

蟹餅拼沙律 蟹餅係餐廳的簽名菜，個樣似冰燒三層肉，脆脆酥餅底上有creamy 蟹肉，再鋪上芝士後火灸，做法幾特別，蟹肉味唔突出，我都係喜歡傳統煎蟹餅。三文魚沙律，沙律醬太多，好漏

海鮮拼盤 全無鮮味，生蠔係美國蠔，大大隻又creamy，我最怕

周打蜆肉湯 配料多，湯內滿滿的蜆肉洋蔥cream重，好膩

慢煮黑毛豬扒 大大份，肉嫩，我覺得係全晚最好食，但前面的菜太滯，食唔哂，見到隔離枱兩個人食大大塊牛扒，唔知佢地點食。

蝦肉磨菇意粉 蝦有點霉，磨菇半熟，意粉咸，唔得

tiramisu 起粒，唔好食