Foodie 生活雜誌

住宿為三房一廳大單位，廚厠齊全，有花園，另有洗衫房，提供洗衣及乾衣機，設備齊全，環境舒適。屋主Sara好識做生意。將大屋分成三部份出租，分別係主屋(我租住的單位)，花園小屋及地牢房間，自己則住在主屋玄關旁的房間內。其實又係，Sara一個人住唔哂咁大間屋，分租出去可以增加收入，自己又可以有工作，無咁悶，我睇過佢住的房間，小小的一房一廳，麻雀雖小，五臟俱全，佢話呢間屋就快賣，我以為佢退休，原來佢會搬去另一個地方，已經買左屋，亦係經營民宿，咁始終呢邊唔係咁多遊客，我笑佢係富婆。呢度唔知會經營到幾時，睇下你會唔會成為呢間屋的最後租客。

資訊 ： 

經booking.com訂房

訂房時完全唔明點解一間屋可以有三個單位，相片又無標明每個單位的間格，有理無理訂左間最大的就算，直至入住時至知係咁樣分。門前可泊車，洗衣房在地牢，有洗衣及乾衣機，好方便

客飯廳好大，飯桌背面的門通往花園

房間及洗手間在走廊兩邊，左手面的牆後就係sara的住所，有事可以隨時揾佢，雖然我地住兩晚都無呢個需要，但好有安全感。

房間佈置簡單，就如一般住家

房間二，小巧精緻，今晚美魔女有獨立房間，脫離太后，終於有覺好瞓

房間三 太后的房間

衛浴有按摩浴缸，我地當然無時間用

廚房設備齊全，有焗爐，仲有張枱可以在廚房內食早餐，好有住家feel

從客廳外望後園，有燒烤爐

後園，只有大單位租客有使用權

可以坐喺度等極光，我當然等唔到