9/2018 光顧
靚靚甜品店，一向得個睇字，唔多捨得食。當日一個人的午餐，喺新都會行上行落幾轉都揀唔到合心水餐廳，仲嚴謹過皇上選妃，見到呢度原來有套餐，沙律主菜甜品加飲品套餐$118，平時食杯雪芭都要六十幾銀，即時感覺良好，決定翻牌子。食物水準一般，不過勝在樣樣有d，食得幾開心。
餐廳堂食最低消費每人$60
店員好好，攞出去派比人試食的雪芭都比一份我，莫非見到我渴望的眼神？
青萍果蟹肉沙律，我當然不至於天真到百幾銀個餐會食到蟹肉啦，沙律新鮮，青萍果幾爽口。
三文魚班尼迪 造型唔錯，煙三文魚包住水波蛋同牛油果醬，幾豐富，假如三文魚再靚仔d就好。
士多啤梨拿破崙 餅底唔夠鬆化，好在吉士甜度剛好又軟滑，士多啤梨包左糖漿夠甜，不俗
咖啡要加$6，不過質素就強差人意，點杯flat white，佢比左杯完全無咖啡味的奶比我，當然接受唔到，結果換杯regular coffee 就算，因為相信沖多幾次都係咁。
全站熱搜
留言列表
香港食食食 (25)
