Foodie 生活雜誌

9/2018光顧

鮨店喺香港不停開，愈高級的開得愈多，曾經有日本師傅同我講，香港係東京以外最多鮨店的城市，香港人真幸福。呢間開左唔夠半年，口碑不俗，一般高級鮨店格局，地方精緻，只設壽司吧枱及額外一張四人枱。由日本人中本師傅坐陣，另一位師傅都係日本人。午市提供$800 omakase 或$580十二件壽司套餐，加一另計。本來想點Omakase，但侍應同師傅都建議食壽司套餐，我因為大食，另加錢加多三件，共15件。我話要追加時，師傅問我幾多件至夠，我話15件，佢以為我要再加15件，嚇到眼都突，好好笑。壽司刺身魚肉緊緻柔軟，好新鮮，選擇大路，可能剛入季，刺身未夠肥美。我覺得食材質量其實間間高級鮨店差不多，不過呢間的壽司飯我好有印象，飯粒分明，温度剛好，同壽司醋融合，好好味。不過侍應只懂得簡單日文，未能同師傅溝通，唔能夠為客人傳達訊息，有點失敗，可能鮨店開得太多，請唔到人。

店面低調，高級鮨店裝潢設計

一貫入魂？又未至於喎😁

枱面簡潔

刺身放於木盒內

美味壽司飯。枱面有一碗冰水，用作師傅握壽司前為手掌降温，好認真，莫非就係因為咁，件壽司飯好味左？

前菜 薑的根部及昆布用酸汁撈，灑上銀魚乾，味道清新之餘又帶點咸鮮。

壽司由左至右 （套餐只有12件，我加錢加左三件，所以圖中有15件）

左口魚 魚肉緊緻

黑喉 我喜歡的魚，不過未夠肥美

鰤魚

赤身 唔係間間的赤身都好食，呢間不俗

中拖羅

魷魚 海鹽重手左，破壞了鮮味

秋刀 帶腥味頗重

池魚 好鮮

三文魚子 師傅自己用味琳、木魚水及豉油醃製，無左一般魚子的咸鮮味，味道好清新，係另一種口味

紫海膽 清甜

皮剝魚

馬糞海膽 （追加）鮮甜有溶化感

車海老 （追加）鮮甜彈牙，但我唔太喜歡食熟蝦

石垣貝 （追加）未夠鮮甜，

海鰻 肉質豐腴，讚

拖羅魚腩卷 玉子

套餐跟麵豉湯，清甜

柚子雪芭