Foodie 生活雜誌

來到Kalbarri，就係為左個Nature’s window。一早先去之前入住農莊的主人所介紹的cafe 食早餐，餐廳好有鬼佬茶記feel，員工友善食物好，環境relax，好舒服。飽餐後開車往Nature’s window。Nature’s window在Kalbarri國家公園，一個紅色岩石河谷內，其中一塊被風化成似一個窗框的石，成為地標，所以吸引好多人來。我地呢類基本遊客當然睇完影完相就走，但其實河谷好大，有好幾條遠足徑，非常值得一遊。不過事前當然要做足功課，而且夏天千萬唔好行，因為氣溫極高，若果唔係專業人士，同自殺無分別。我當日就算係冬季，仍然陽光猛烈，差不多三十度，真係估佢唔到。之後再往Z Bend 睇另一個河谷，叫做蜻蜓點水地睇過Kalberri national park 的河谷部份。返回小鎮，因為應𠄘左小朋友去公園玩，小鎮在海邊，當日又見洶湧大浪，大家又再被吸引觀浪。之後去公園放電，晚餐又係自己煮，唔好浪費咁大間屋。

小鎮近海，係釣魚的好地方

Gorges cafe 

佈置簡單但感覺舒適

Gorges cafe 內有 gorges 的早餐

今日天氣好好！感謝上天

路口有售票處，自駕的要購票進入國家公園，泊車費

停車場已睇見壯麗河谷

起點，從起點到nature’s window 只有一公里，來回約45分鐘左右，簡單易行

昨日在遊客中心門前睇到的告示牌，夏天來的朋友請注意

開始的一段步道鋪好，步行完全無難度

沿途已可見到壯麗河谷及U形的Murchison river

行完一段鋪好的路就進入山路，路面開始凹凸不平

好快就到達熱門景點 nature’s window.....的背面

nature’s window 正面，幾乎係西澳必到景點，遊客們排住隊影相

天然窗框外就係美麗的河谷景致

一場來到，我唔想好似喺商場影佈景板留影後就走，真係好希望可以再走一段路，可惜團友們無可能行到，時間亦不許可。最後情商少爺仔陪我行一小段，其他團友曬住等。

toptrial 總算行過一小段，走在千億年的岩石上，即時感覺自己好年輕

少爺仔手腳並用，從小到大，我習慣比少爺仔自由發揮，自己想辦法爬上去，行邊條路，用咩方法，自己決定，我好少加意見，(當然事先會講解情況及審視過係安全)，予其下下拖住佢行，不如放手比佢自己嘗試

更加近河邊

美麗的岩石紋

在河谷留影，見到我嗎？

再去Z Bend，遠看喺大片平原中間突然穿左個大窿，原來就係河谷，若你在河谷內係難以想像，好特別

從停車場步行往lookout 來回約1 小時，因為有上落斜

好厲害的長者，但願我日後都有此魄力

Look out 今次係長窄的河谷地貌

之前的The loop可能太長，但過來Z Bend 有幾條短的trial，若有時間，不妨選擇River trial行，在谷底，可惜今次連小段都行唔到，無時間。

是日植物collection

返回海邊小鎮，又遇到巨浪景色

坐定定，靜靜睇

警告 ： 切勿學相中人企在近海礁石上影相，因為之後一個大浪，相中人狼狽逃生，不幸中之大幸，只濕腳，若個浪再大d，真係不敢相像，千萬唔好低估大自的力量

點解之前會唔夠時間行步道？因為應𠄘左小朋友要去玩吊索呀，上年喺黃金海岸玩完，三個小朋友念念不忘，今次當然要比回應啦