2018西澳洲遊遊記篇 Day 5 Shark bay @ Foodie 生活雜誌

先生係打霧水一族，晨早起身去影日出，港傭一於死跟。感謝好天氣，晨曦中的shark bay 有如油畫一樣靚。大家陸續起床，準時7:30參加resort的海豚導賞團。今日唔多幸運，只見到一條海豚來到，反而晏d在海邊散步遇到三條海豚。完成導賞團後其他團員去洗衫，係，洗衫絶對係節目之一，因為三位小朋友會因為不同事情弄污衣物，所以每到一個住宿都要洗衫，後期我覺得兩位靚媽已成病態，要出手阻止。作為港傭的我，當然要做更艱苦的工作 : 去餐廳揾位，望住個海嘆住咖啡等團友們回來。餐後喺海邊玩，不知不覺一個上午就過去了。

下午開車往鄰近海邊小鎮Denham食lunch閒逛，其實小鎮只得一條街，好彩有個兒童遊樂設施，港傭同小朋友又玩到癲，兩位購物無界限的靚媽當然又去超市shopping 。回程時行第二條路回resort，不經意發現沙洲美景，先生二話不説轉入小路，成團人在沙洲跑跑跳跳，忘記時間，可憐温柔媽買比我的Vienetta 雪糕就此報銷。之後返回resort欣賞晚霞，再食個豐富晚餐，充實又開心的一天就過去。

resort 分享

https://www.facebook.com/355756624585953/posts/1022634234564852/

晨曦中的shark bay ，美如油畫

準時7:30去導賞團，聽完講解就落海灘等海豚

海豚同職員係朋友，會跟住佢地。

義工已準備好小魚餵海豚，可惜今日海豚事忙，只得一條來到

職員會選出一位參觀者來餵海豚，其實餵唔餵都無所謂，又唔係海洋公園，我只需遠遠望到佢地游泳已開心。

其實海豚都游得好近，留意海豚頭上的疤痕，係被鯊魚襲擊而成。所以能來到Shark Bay 休息的海豚都唔簡單。

觀豚後食個豐富早餐。話說小博士每次用餐時間都好長，港傭會發炆憎，因為堅係覺得食物凍左無咁好食，浪費食物的本質。不過同小博士溝通後，知道原來佢對食物味道要求唔高，只要填飽肚就得。明白之後我個心舒服好多，所以溝通真係好重要。當然，港傭亦唔會等太耐，通常會通知小博士喺某個時限要食完，完成與否都要離開，之後都幾順利，不過温柔媽可能會心痛。

餐後再回海灘，跟塘鵝海豚say hi

距離好近㗎

塘鵝先生唔怕人，好似米老鼠咁，任影唔嬲，少爺仔戰戰兢兢地行埋去。當然之前要同佢上一課 : 眼看手勿動，保持安靜，因為而家係你去人地屋企。話説先生之前在碼頭影相，有個外國人輕輕向先生示意有海龜，當時碼頭上無論大人小孩都靜靜地觀賞，無發出聲音，先生好欣賞當時各人尊重大自然的態度。當然回來時亦有灌輸比少爺仔，教育係要從小開始。