IMG_5793.JPG

 

 

十五日十四夜的西澳洲之旅,自駕遊路線為 : Perth - Geraldton- Monkey Mia  Kalbarri- Cervantes - Margaret River Region - Frementle - Perth

 

行程的前半段,每段車程唔計休息時間約4.5小時,非常長,我地得一位司機,真係由早揸到晚。如此設計係因爲唔想晚晚換住宿,希望每個地方留三日兩夜,先苦後甜(?)建議若用呢個行程而又得一個司機,可考慮住宿各留三晚,因為到達目的地已晚上,少左一日時間玩。又可以比司機有足夠休息。

 

今次全程親子遊,行程只有大概,訂好住宿就沿路行到邊玩到邊。西澳仍然保留住好多天然美景,壯麗的山谷、一望無際的白沙灘、波濤洶湧的海岸、史前時代的地貌、特別的動植物,好值得親身體驗。

 

後半段行程安排到酒莊區舒適嘆美食,往市集閒逛,享受悠閒,一個有動有靜的行程。

 

天氣 : 7月尾8月頭的西澳洲天氣就如香港的深秋,氣溫約十至二十度,風大,陰情不定。早晚較凍,有太陽就温暖,若下雨就氣溫驟降,感覺寒冷。太陽極猛,天氣極乾燥。我要早晚敷mask。8月頭應該已進入寒冬,最冷一日約7度左右。

 

衣著 : 日間我著uniqlo 短袖heat tech 打底,薄長袖tee,早晚加件薄fleece 就得。有時遇著大太陽仲要著短袖。由於陰晴不定又大風,一件GORTEX係必備的。

 

食 : 全程行到邊食到邊,亦有自家煮,澳洲的食材新鮮高質素,超級市場買食物再經簡單烹調已經好味。不過西澳若一過左Geraldton再往北行,食物選擇就較少,可能人口唔多,超市的食材選擇都較少,亦較貴。落番Margaret river 同Perth 就好得多。澳洲的cafe文化仍舊係我的最愛,酒莊午餐更不可少。 

 

住 : 每次住屋安排都係景點之一,不過今次房源選擇有限,未能全部入住大屋,亦有某些住宿未必滿意,其實都係小問題,可能被竉壞了。

 

交通 : 全程自駕,機場攞車還車,Hyundai Imax 8人車,夠大夠闊,四大三小,裝埋兩個小童car seat都唔會太迫,仲可以放大量行李,高度推薦。不過今次油費貴,差不多隔日就要入油,全程約650澳幣。

 

電話卡 : 我用CSL提供的上網服務,唔使換咭,除左公路上接收唔太穩定,其他地方都無問題。不過用開的中國聯通電話卡就收得差,大城市無問題,但monkey mia 完全收唔到,建議去到澳洲至買都得。朋友在monkey mia 無得上網,毒癮發作,即時買電話咭,店員推薦買telstra ,話全澳洲都無問題。

 

大屋

 

IMG_5782.JPG

美食

IMG_5783.JPG

戰車

IMG_5798.JPG

arrow
arrow
    全站熱搜

    Hearoom 發表在 痞客邦 留言(0) 人氣()