漢發麵家@深水埗大南街 @ Foodie 生活雜誌

6/2018光顧 漢發麵家@深水埗大南街

我在附近飲咖啡時見到餐廳一係無開，一係就排哂隊，心諗應該係勁，今次行過，的起心肝入去食。一條友，點個豬潤加腸仔麵。落單時侍應問要唔要埋炸雲吞，話唔點就無，因為只限落一次單，於是我就好似有今生無來世咁，咬一咬牙，點埋佢。碗豬潤麵一上枱我已經呆左，舊舊都厚到似朱唇咁，點KO呢？之後再來碟炸雲吞，實在唔想浪費，問埋同枱的食客有無興趣分兩粒，佢地的反應幾愕然，不過都幫手食左兩件，大家仲講左幾句，分享就係咁快樂。下次各位若見到有條友無端端叫你幫手食嘢，嗰個應該係我，到時麻煩幫幫手😁

豬潤加腸仔麵，見枱頭有余均益同荔枝醋，放心食麵。麵質爽，加埋余均益同荔枝醋，天作之合。豬潤厚身得來柔軟，少少粉，口感十足，一上枱時見到好多塊，諗住一定食唔哂，點知學搭枱食友咁話： 咪睇佢大大塊厚到死，其實食下一塊食下一塊唔多覺，聽到時個心仲冷笑緊，原來他所說的都是真的🤣🤣腸仔炸過，香口