(門面低調，師傅話餐廳由中環九如坊搬過來三年幾，以做熟客為主)
5/2018 光顧
晚餐喺大坑想簡簡單單食個丼飯，行過幾間見到價位都唔平，直至見到呢間掛喺門口的餐牌，價錢幾親民，晚餐都有80蚊一個飯，決定試下。餐廳細細，感覺似日劇的家庭式餐廳，細細間，燈光偏黃，有點舊，但乾淨企理。師傅招呼我地四人在吧枱坐，旁邊的顧客點的係一千蚊位的廚師發辦，我地點的係一百幾十的丼飯，好少見日本餐廳晚餐都會有平價的選擇。難得師傅態度隨和友善，好有深宵食堂feel的餐廳，食物質素不俗，好過去大户屋排隊。小朋友食到舔舔脷，立即提議佢當面向師傅稱讚道謝，希望佢學會感謝，師傅都好開心，愉快的晚餐。
餐廳好細，除左吧枱外，近門口有張四人枱
枝豆 從前有個小朋友好喜歡食枝豆，話喜歡佢清甜的味道，結果成碟自己食哂
魚生飯 刺身新鮮
炒野菜
綱燒牛肉 選日本牛都係百零蚊，頗juicy，唔靱
吞拿魚腩卷
燒牛肉飯
滑蛋雞肉飯 可能因為加左味醂，甜甜地，小朋友好鍾意食，但其實蛋有點老。
全站熱搜
留言列表
香港食食食 (25)
