12/2017 光顧
舊式麵店，細細間，好迫夾，非常街坊。粉麵細細碗，牛筋腩好稔，食到濃濃的八角陳皮味，完全係回憶中的味道。連價錢都係二十幾蚊碗，感覺時光倒流。鋪頭又細又窄，當日我都係坐門口的加位。店內食客大叔好好人，見我望住個位猶豫不決，主動話同我換位，咁我當然無麻煩人。老街坊就係咁有人情味。
雲吞米加腩汁，小時候最愛例牌。雲吞係散尾雲吞，皮厚左d，米粉爽口。
牛筋腩麵 筋腩睇樣都知對辦，炆得夠時間，牛筋咬落黏口，仲有陳皮味，呢個就係回憶的味道。好多時年代久遠的味道都食唔番，一來係食材做法唔同左，其次有時可能自行為記憶的食物添加美味，時間愈遠，記憶中的食物愈覺好味，之後點都食唔番，但今次居然比我遇到回憶的味道，感覺良好。
全站熱搜
留言列表
香港食食食 (25)
