今次因爲機票特價，所以坐日航，被安排坐細機，叫做有個幾精緻的飛機餐食。因為由東京至青森的車程遠，所以會坐JR往青森至開始自駕，非最後在秋田還車再坐HR返東京。今次買左張東日本火車證(成人五天彈性東北地區)，之前喺EGL訂左比哂錢，到日本攞張單來換JR Pass就可以了，再攞埋之前網上預約席的pass，都搞左成半個鐘。若你在香港網上訂位，記住帶埋訂位用的credit card 去。
因為明日一早要坐新幹線往青森，所以選擇離車站幾分鐘路程的Mitsui Garden Hotel Ueno (上野三井花园饭店)，從車站有天橋直駁過去又可以行隧道，都算方便。由於JR pass 可以坐埋Narita Express，所以就算住上野都放棄坐skyliner，喺東京再轉車。
到酒店check out放低行李都已經成七點幾，打算去秋葉原橋底的排檔食嘢，點知已經執左，後來見到間幾四正的拉麵店，求其食就算。好彩味道又唔錯，仲可以免費加一個麵，駕駛員不知幾滿足。
飯後返回上野，其實上野鬼咁熱鬧，早知喺度行就算，係要衰貪心，之後行個圈就回酒店休息。
而家去機塲lounge 食早餐迫人過麥當當，就算入得都無位，有得入唔入又覺得蝕底，我無資格入，唔使煩😜😜😜
只要吼到特價，窮人都可以座日航
其實香港都好靚
久違了的飛機餐
JR要務員真係好窩心，將預約席的卷分好放入套內，仲要喺上面寫埋日子
去到落大雨，團友因爲腳傷，唯有自製水鞋，睇到個樣，只能比兩個字 : 佩服 👍🏻佢之後話焗到成腳汗🤣🤣🤣
我就梗係有備而戰，就算落雨，只要裝備充足，感覺都良好d
做人就係咁，好嘢喺身邊唔去珍惜，係要犯賤揾其他。唔好誤會，我意思係好地地喺上野咁多選擇唔去，係要死去秋葉原揾間執左嘅。行行下見到呢間雞毑咁大的牌，好似好勁，就往前行
原來咁細間
團友話麵質有咬口，好味。我就無興趣，食左個明太子飯，150yrn，平到爆
仲有得免費加一個麵，感覺好抵
調味料齊全
留言列表
香港食食食 (25)
