IMG_2727.JPG

 

9/2017光顧

香港有個西貢,越南都有個西貢,用邏輯推理,入西貢食越南河應該會好味🤣🤣foodie西貢友介紹話唔錯,專程來試下。好彩無失望,湯底清又有牛骨味,食完唔太口渴,最重要係$44大大碗,好抵食。可能係自置鋪位關係,無論用料同份量都可以做好一點。初初上枱見咁大碗,食友仲話係得個碗大,食落至知係堅大碗,隔離枱一個小姐點左碗火車頭,$88成鍋雪菜火鴨絲湯米咁大,唔知佢點食。雖然唔係話好精彩的越南河,但以價錢用料,整體來計已經係近來食到比較好的。

 

生牛肉湯河 湯底清,顏色對版,唔會太淡,湯頭有牛骨味,雖然唔太濃,但已經比坊間好多店做得好。牛肉薄薄的唔太滑但又唔太鞋,牛味欠奉,洋蔥同芽菜都好多,河粉厚左d唔夠滑,不過以$44嚟講我就好滿意。但係碟金不換就削d,塊塊葉都燶哂,忍唔住要換過碟。加$13有一條春卷,春卷係用越式米網皮炸成,好鬆脆,饀料豐富,唔錯。

IMG_2724.JPG

 

順化湯檬 食友見大大張相貼出來介紹,一定有料到,轉軚點呢碗,侍應已温馨提示湯底係辣,食友好保險,點左小辣。一上枱已經見到有層辣油浮面,湯底都係牛骨湯,個辣油好香,侍應話係順化汁,加左不同調味,香蒜辣椒等炒成,頭啖湯覺得好香,辣味慢慢才湧上來,食友話若果無點小辣唔知會點。(佢對辣的接受程度係一般)湯料以豬為主,扎肉都有兩款,其中一款有冬菇同雞軟骨,幾特別。仲有一片豬手同一舊牛腩,都幾豐富,檬粉滑,一個不俗的選擇。仲有碟生菜好脆口,無影。

 

IMG_2641.JPG

 

IMG_2726.JPG

 

餐廳之前係咖啡店,稍為改一下就營業,咁就可以明白老闆係實幹型。

 

IMG_2728.JPG

IMG_2729.JPG

arrow
arrow
    全站熱搜

    Hearoom 發表在 痞客邦 留言(0) 人氣()