IMG_1727.JPG

 

8/2017光顧

 

我以為係一間新餐廳,因為感覺好多事情都未到位,原來已經開業一年。小店標榜用靚料,但食完都唔覺食材突出,味道普通,甜品唔錯不過價錢唔平。心機係有的,但熱食仍有不少進步空間。

 

題外話 市面上有好多我稱為夢幻西餐廳或夢幻咖啡店的食店,即係店主喜歡煮又煮得好食,為左一圓夢想,走去開餐廳。自己屋企煮,整幾碟,買靚料,慢工出細貨,一定好食。但一開鋪,要控制成本,計埋租金人工燈油火蠟就成件事唔同哂,結果好多時食物水準同服務都未到位。當然做生意係要累積經驗,但香港開餐廳成本高,要成功做一間小餐廳非常艱難,好多時未做到已經蝕哂錢比業主,希望所有夢幻西餐廳都能夠做足準備至開鋪,唔好似玩煮飯仔,浪費自己心血金錢,食客亦食唔到有水準的食物,雙失。

 

跟餐的沙律,份量頗多,不過似一住草,我無食

 

IMG_1736.JPG

 

宮崎豬腩肉便當  分三格,沙律、生果及腩肉片飯,餐廳標榜用宮崎豬,食過宮崎牛好好味,但宮崎豬我又食唔出特別之處,肉片比平常的厚,個別肉片較鞋,醬汁味道唔錯,$78又唔係貴。

 

IMG_1737.JPG

 

芝士焗宮崎豚肉飯 點的時候以為係豬扒飯,先入為主,因為通常焗飯都係用豬扒,直至入口時食到好薄,睇番餐牌至知係豬肉。飯底味道唔錯,但薄薄一層鋪在碟上,份量好少,飯面焗得有點乾,唔覺有芝士,豬肉亦稍乾。火喉控制似乎未太好?

 

IMG_1735.JPG

 

IMG_1734.JPG

 

Carbonara  意粉稔,整碟粉都無味,差!

 

IMG_1732.JPG

 

威士忌汁煮飽魚蝦子麵 試左少少,我味覺遲鈍,只食到蝦子麵味,食唔出個汁的味道。鮑魚我無食

 

IMG_1733.JPG

 

蛋黃楊枝甘露 整餐最滿意的食物。蛋黃內裡係芒果汁,蛋白係椰汁及椰奶,刺破蛋黃後與楊支甘露撈埋食。楊支甘露好足料,唔會太甜,整個甜品fancy 又好味。見餐牌內其他甜品的賣相都好吸引,呢度出名係甜品。不過價錢就同正餐差不多。

 

IMG_1730.JPG

 

攞隻碗仔分糖水,比隻stub我,係夢幻西餐廳至會有

 

IMG_1731.JPG

 

點凍咖啡比左熱咖啡,靚太話整過,我叫佢攞入去加兩舊冰就得,反正只係飲齋啡。

 

IMG_1728.JPG

 

$15點杯花茶,話係玫瑰花茶,飲落唔多似,原來係桂花烏龍,不過我都費事再打擾靚太。

 

IMG_1729.JPG

 

幾張枱, 一眼見哂

 

IMG_1726.JPG

 

 

 

 

 

 

 

 

 

 

 

arrow
arrow
    全站熱搜

    Hearoom 發表在 痞客邦 留言(0) 人氣()