恒達油渣麵@油麻地廣東道888號 @ Foodie 生活雜誌

8/2017光顧

喜歡去舊區揾食，睇雜誌介紹而來，小店在油麻地舊區群中，客人都係附近街坊，以單身漢為主，非常「地道」。小店面積好細，只有一排靠牆位加一張小圓枱，好迫夾，要食環境就咪來了。街坊小店，洋溢温情，我估係一家四口經營。提供家常菜，湯水涼茶小食甜品乜都有，無餐牌，菜式全貼在牆上，有好多隱藏版，非常温柔又有禮貌的年輕人會介紹是日精選，你想食的都可以自己開口問下有無，非常隨意。最重要係大件夾抵食，兩條友，有湯有菜有雞，埋單唔使一舊水，足料得來味道又唔錯，詳情請見內文。我儍儍的問年輕人咁多款食物點預備得切？年輕人温文一笑地答我湯水涼茶同糖水每日只供應一款。

半隻咸雞加白飯 咸雞入味，肉質唔錯，肥瘦適中，雞下墊左生菜，再配一碗大白飯，只收$55，抵到喊。話說我入到店內見老闆娘食緊碟雞幾靚仔，多口問句，佢話係咸雞，正中下懷！即刻幫我落半隻雞加一碗白飯。當我催促友人快快選菜落單時，佢話夠食，我仲串佢：$55碟飯有幾大吖？之後老闆就好似聽到咁立即放低碟雞。原來幾大碟，好彩無點多樣。