7/2017 光顧
興之所至入西貢行下(我最喜愛去湯記出口店)，記起有foodie友推介過某間雞飯好食，點知又揾唔番個留言，只記得係喺巷內，唯有憑感覺。巷頭呢期出名的店雖然無人排隊，但一向唔喜歡湊熱鬧，無去。既然我咁有型，當然就立即中伏啦。見呢間有三個鋪位，全部泰國人員工，又間間都有人坐，應該可以。一座低又突然無信心，改點鴨肉河，再「推薦」友人點雞飯，結果全軍覆沒，浪費左一餐，應該係食神懲罰我無記性同懶有型😝😝
鴨肉湯河 一見到淋上面pat 汁，已經知到成件事完左。一碗味精湯
豬肉雞飯 見隔離枱個炸豬肉幾特別，推薦友人點雙拼。飯乾肉乾雞無味，靠碟汁頂哂成碟
椰菜苗 落單後到食完飯都未到，想止蝕cut單又話整左，唯有照食，味道無問題，只係空口食一碟炒菜唔係咁暢快
全站熱搜
留言列表
香港食食食 (25)
