7/2017光顧
我成日呻荃灣無啱心水的食店，好彩今日好友帶我來，名單上終於有一間。小店裝修走小清新路線，但坐位較迫，聽講之前叫entrance，但因為好多人反映唔識讀，好難約人，結果改名為「入麵」，客人多左，成間店街坊哂，都係好事。餐廳賣台灣麵食，珍珠奶茶等。湯底唔口渴，係心機食物，飲品都可以，唔係糖水，若要在荃灣區揾食，我會再來。
餃子麵 每款麵食都可以選湯底（豬骨、番茄、麻辣），麵又有幾款選擇，我選番茄湯，湯底清清地唔口渴，加上粟米木耳，感覺健康，餃子自家製，饀料好入味，麵有咬口，想要碟辣醬，比左碟口水雞汁，個汁唔太辣但好香，下次要點個口水雞撈麵至得
豬八戒 朋友點的豬肉麵，湯底都係番茄，豬肉似家常滾湯feel，質地似豬肉膠 （即係蝦膠，魚肉的口感)，幾特別。
我好少點台灣飲品，因為好多都似糖水，不過見每人都有一杯，受群眾影響，點左杯蜜桃綠茶。桃味唔太香精，有茶味，唔係死甜，大大杯，合格。
內部裝修有coffee shop 的影子
全站熱搜
留言列表
香港食食食 (25)
