IMG_5892.JPG

(電話卡及交通三寶)

 

2017京阪遊簡報

 

九日八夜京阪之旅,大阪係配角,只留兩晚,主要去USJ Harry Porter 園區,主角係京都。原本打算在京都市內散步,hea下咖啡店。但結果因爲想去貴船納涼,去舞鶴賞花,加上近年開始熱門的伊根町,planplan下,變成左京都市外遊,說好了的市內漫步唯有等下次。

 

天氣 : 6月的京都大阪早晚仍有涼意,不過下午陽光猛烈,哂得皮膚灸熱,好在喺陰頂處仍然涼爽。出發前已知6月係日本的梅雨天,水鞋風褸雨傘一早準備好,但感謝老天的眷顧,一路上天清氣朗,陽光普照,到行程的最後一日先落大雨,但對我的影響已減至最低,不過奉勸各位雨具仍然要預備。

 

: 名店照舊難以訂位,就算訂到都規矩多多,唔可以遲到係基本,不過回覆時寫明就算遲一分鐘都會取消訂位就感覺唔良好。但早到少少又唔比入,真係覺得自己食得犯賤。京都熱門景點餐廳大部分有英文餐牌,不過某些店對遊客都不太友善,試過有店鋪喺我入門口前比埋張類似「餐廳附例」的牌比我,要我清楚明白守則至入得,點解會咁?唔好怪人地,可能經歷過太多不快事件,為免爭拗而作出的行為,唯有做好自己吧。不過進店後的服務都係唔錯的。

 

交通 今次唔係自駕遊,用左好多時間plan交通。日本交通費出名貴,而且一日轉車轉到黑,今次的起心肝買張IC 卡,慳左好多買票時間。京都就主要坐巴士,市內巴士劃一收費230yen一程,買張500yen的一日券就唔使煩。配合行程,去市外就買左「關西廣域五天券」,五天內無限次任坐JR京都丹後鉄道,關西空港特急都得,不過就只可以坐自由席,除左慳左購票時間,我呢個旅程的車費都比pass 的價值多,抵左。

 

: 今次住宿有大眾化附設溫泉的市區酒店、精品酒店、温泉旅館同漁村舟屋,各有不同感覺,唔錯。

 

電話卡 : 照舊用中聯通電話卡,一插即用,最怕用太陽能電話卡 (即係要有wifi至可以開卡,就似要太陽照住至著到的電筒)雖然話係7日卡,但我全程由落機一刻開始至離開上機,用足9日都仲用到,官方價$138,鴨記賣$85

 

機場 T1離境大堂3樓有商店,唔夠喉仍可繼續買,餐廳及商店在機場大樓過關前,過關後只有免稅商店及簡單快餐。坐HK Express 登機口在1-16,要預留時間坐無人列車。去到閘口有便利店提供小食,可以食埋至上機,另有小型手信店,熱門手信如Royce 朱古力、拉麵同三兄弟薯條都有,買漏左可以喺度補貨。

IMG_5893.JPG

 

IMG_5894.JPG

其他 : 近來去日本的驚喜都係來自當地得到的資訊,若你打算在市內遊,到步後買本當地雜誌,跟住行就得,或者熱門旅遊景點的火車站服務櫃位提供的資料都好詳盡,所以下次不妨只定好路線同住宿,其他細節去到再決定。當然,大前題係要有時間。

 

 

 

 

arrow
arrow
    全站熱搜

    Hearoom 發表在 痞客邦 留言(0) 人氣()