再訪TOKAMI@尖沙咀海海運大廈 @ Foodie 生活雜誌

(今次的驚喜位居然係來自非刺身的水茄子😍 茄子清甜，咬落充滿水份，有食白露筍的感覺（圖中第三行第三格）

5/2017光顧

喺香港食過好幾間鮨店，只有呢間的食材最好，有鮮味。比較之下，就算同我去開的店都好有距離。其實我每次食完壽司個肚都會有點不適，我成日以為係敏感，但食呢間就無問題。不過實在貴，之前來過一次，食完儲錢再食，點知差不多儲夠時居然又加價20% ! 晴天pig pig，真係計劃趕不上變化。第二次光顧，水準依舊的好，但已欠缺驚喜，而且壽司同碗湯都縮左水，莫非租金真係貴得咁緊要？加上師傅年終無休 (據稱若喺日本會因為築地市場星期日休息而店鋪休息，但在香港因爲係商場鋪，租約問題要開足7日。) 師傅個樣攰到不堪，眼都快打唔開，真可憐。餐廳提供的壽司係在食材上花心思，出品較平實，比左咁貴，若諗住係食坊間開到成行成市的創作壽司 (例如在赤鯥魚上再加海膽)，呢度可能會令你失望。