2013荷比遊 : Zijpe 花田單車遊 @ Foodie 生活雜誌

(今次荷蘭遊的重頭戲係參加呢個花田單車活動，每年舉辦時間有點出入。)

今次旅行的重頭戲係參加呢個一年一度的踩單車遊花田活動，原意係一路踩住單車，一路休哉遊哉地穿插在花田睇花，可惜我不幸地遇上幾十年一遇的寒冷春天，Plan 左半年，坐左16個鐘飛機，踩左40K 單車，主角鬰金香居然未！開！花！！！心情極差，但知道無辦法，唯有調整心情，苦中作樂，自己扮花。初初都一路hea住踩，以為好輕鬆，諗住路上有餐廳可補給，點知原來check point 得d爛鬼凍蛋批，到左3點半時先知原來只踩左3份1路程，而呢條路線有成40k，即係仲有廿幾K，加上活動5點就完，所以發力狂踩至腳跛，到最後攞到獎品種子時簡直歡喜若狂，因為已筋皮力盡，班老人家義工仲都為我鼓掌。之後再要踩去還單車，仲要逆風，踩到對腳同個腦都無哂知覺，只係跟住前面個朋友，我相信若當時佢踩落海我都會照跟。還車後求其在餐車買個kaba食當晚餐就算。番到船屋已9點，全身酸痛。