IMG_3225.JPG

斷不了 捨不下 離不開的33件珍品

山下英子女士著作「斷捨離」相信好多人都睇過,我睇完後印象不深,只知潮流興斷捨離,好多人都認為掉哂d身外物,只保留生活必需品,過清爽簡約生活就係斷捨離的意義。其實作者想傳達的意思係要好好審視自己的需要,過重質不重量的生活,其生活態度就於此書中反映出來,道出「珍愛物品就是珍愛自己」的道理。

 

向來喜歡睇分享生活的文章,從中可以觀摩下別人的生活態度,又能認識到更多優質品牌 。雖然未必完全認同其觀點或未必買得起分享的物品,但總有得著。人長大了,愈來愈清楚自己所需,告別以往係又買唔係又買的時代。年輕時會覺得成年人頑固,唔肯接受新事物,到自己漸漸成長,才明白找到自己適合的就夠,無需再左試右試,亦不會被潮流牽著走。近年發覺自己唔多珍惜身邊物件,成日抱住「大不了咪再買過」的心態,自己都睇唔過眼自己,最近開始要求自己要對每件物品精挑細選,想清想楚先帶番屋企,希望能做到圍繞自己身邊的事物都係自己喜歡的,令自己活得更稱心。

 

順帶一提,有時向朋友推薦圖書館的好處時,好多人的反應都係 圖書館的書好污糟。其實圖書館有一個櫃係專門放新書,好多時係從未借出過,好似呢本書就係我在新書櫃中無意中睇到借回來,乾淨又啱睇,幾好㗎。

 

arrow
arrow
    全站熱搜

    Hearoom 發表在 痞客邦 留言(0) 人氣()