金記冰室@荃灣 @ Foodie 生活雜誌

金記冰室@荃灣

懷舊裝修冰室，對於我無特別吸引，不過當我知道亮點係有海鮮加工，咁就成件事唔同哂！話說昨日行山後朋友帶我去荃灣的茶餐廳食海鮮，聽落都幾新奇，原來可以在對面楊屋道街市買料去茶餐廳加工，要知道楊屋道的街市海鮮選擇多，價錢平，都不特止，最最吸引係每碟加工費係$28！無錯係$28！我問左幾次，簡直唔敢相信！而且廚工不俗，幾好味，地方乾淨，可以自己買啤酒上去。成餐唔使自己洗，食完拍拍攞柚走，簡直扺到喊！若我只幫襯海鮮加工，真係唔知佢賺咩。果然不出所料，侍應話海鮮加工做埋昨日，是否繼續要再同廚師傾傾，鬼咩，明明煮三文治通粉，家陣要整埋海鮮，梗係要傾啦。好彩朋友食完第二日立即帶我去encore先食得到。各位若有興趣記住去之前打去問下先。