Foodie 生活雜誌

2/2017光顧

睇個名就知夠禪。為左呢間餐廳，我真係三顧草蘆 : 第一次放假，等二次無開，第三次來至成功。餐廳以品茶，賣茶為主，格調清雅，播住柔和音樂，靜靜的嘆茶用餐，的確寫意，食物又好味。餐廳逢星期三休息，間中又有包場或工作坊，去之前記得先打電話查詢。

餐廳設有商業大厦內

一面賣茶具、茶葉等產品

另一面係餐廳，地台座位座椅無靠背，無腰骨之人不宜

每枱都有品茶設備

我都點左壺普洱，係最平的，一來我無時間慢慢嘆，二來貴嘢我都唔識欣賞

廣島蠔意大利飯 呢個飯我好欣賞，睇造型都覺得好食。隻隻蠔肥嘟嘟又飽滿，略略煎香無雪味。加上意大利瓜，磨菇飯底有咬口，難得份量剛剛好，好滿意

之後又再來 : 虎蝦冬蔭公意粉

賣相唔錯，雖然有我最討厭的乾草碎伴碟，但呢個又唔覺突兀（擺明徧心）。冬蔭公醬汁香濃掛麵，帶微辣，意粉有咬口，虎蝦外皮煎得香脆，蝦肉結實，意粉加入本菇、蘑菇、紅椒同露筍片炒，好豐富。雖然$158一碟係有點小貴，但份量剛好，有時寧願比貴d，好過比碟$98但雀都食唔飽的份量我。