Foodie 生活雜誌

12/2016光顧

經過見到又係我喜歡的簡約裝修，行去八卦下，原來係一間一站式保健店。香港品牌， 門面係賣米水，店內另有手工皀同茶葉賣，除此之外，仲有中醫師註診。米水用紅米、白米、薏米、藜麥煲成米水做base，可再加其他果肉或配料，溝出不同味道的米水飲品。每杯$28-42，可選冷熱。因為係香港品牌，所以我雖然唔捨得，但都用$30買左杯柚子薑米水支持下，你可以話自己煲都得，但出到街想飲得健康點，都可以試下，不過價錢又真係貴左d。

題外話 : 總覺得香港應該要做多d自己的品牌，增加競爭力，唔好成日只靠模仿，睇見台灣喺自家品牌方面做得好成功，成間酒店都用台灣產物，唔知香港幾時會有？

店子小小，一眼見哂，一邊係小廚房，只有外賣，不設坐位

飲品介紹 走年輕人路線

柚子薑米水  見店員加柚子蜜同唧薑汁，感覺唔良好，因為我以爲係煲好無添加的。米水味道唔錯，飲到最後重可以食埋米渣，但因為柚子蜜的柚皮太多，應該飲齋米水會好d。我都試下自己煲先

個杯包裝都應該佔左$10

有手工皀同茶葉賣，駐店中醫師有出版的書都有得賣

店內另有中醫診室，設計簡約，一洗中醫古老的印象

女中醫，路線應該係以保健養生為主，啱哂OL