close
8/2016光顧
餐廳位置偏僻，裝修簡潔，餐牌簡單，價錢實惠，味道一般。見到餐牌上有一欄係「慶麵」，以為係特色麵食，原來只係上海湯麵。點左上海雲吞慶麵、紅油抄手同葱油撈麵。菜肉雲吞饀一咬落就食到好重手的調味料，麵質頗彈牙，湯底ok，湯內的蘿蔔同豆卜都入味。初初點紅油抄手同上海雲吞都怕重覆，但喺呢度就無問題，因為呢度的紅油抄手係用蝦膠同魷魚做饀，我就唔多受落，似食雲吞皮包住的蝦丸。上枱時見到白哂哂，醬汁唔多，加左少少麻辣，應該係創新紅油抄手。葱油撈麵上枱時好香乾葱味，不過乾葱柴皮，完全食唔到，我離開時忍唔住問係咪只取其香味？侍應又話係食得，碗麵的醬油都幾香，若果乾葱都可以一齊食，會係一碗好唔錯的麵。不過一碗三十零蚊的麵就合格在餘了。若在附近活動的都可以一試，如果特別去就不必了。
葱油麵
上海雲吞
紅油抄手
全站熱搜
留言列表
香港食食食 (25)
