Foodie 生活雜誌

8/2016 光顧 

一間在待食名單上有一段日子的餐廳。喜歡食西班牙的tapas，款式多，細細件又好味。餐廳佔地千幾尺，地方闊落，唔會坐到迫迫夾，tapas款式選擇算多，今晚兩個人食左5個tapas一個main，食物味道好，有心思。係張單貴左少少，不過在香港食西班牙菜一向唔平，但有水準的又好似唔多，無可能次次去cataluna，我覺得呢間係中價之選。食第二次經朋友講至知無加一，我食兩次都唔知，無比貼士，真唔好意思。 （相片係兩餐夾埋）

mushroom croquettes 炸芝士磨菇條，薄薄炸漿包位melting cheese同碎磨菇，夠哂香口

pulpo 用罐頭上，入面有香軟的八爪魚加蛋黃醬焗熱，插上橄欖脆脆，食得又睇得

mejillones a la marinera 番紅花洋葱辣椒汁煮青口，比一般的白酒煮更惹味，青口夠嫩滑

salmon a humado 一個類似餃子的食物內裡係玉米汁，上面放上三文魚及三文魚子，一口食，咬開脆殼內有凍的玉米汁混合肥美的三文魚加上咸咸的魚子， 好有趣的組合，有層次，味道好好。

bacon conqueso 又係脆餃子，今次入面係溶化的芝士，用煙肉卷住食，簡單美味

La Paloma 焗乳鴿puntine pasta，上枱時以為係飯。puntine pasta個樣似飯，其實食落稔稔地又滑，細細粒的意粉。鴿子外皮香脆，肉質粉嫩，Pasta 簡單用菇同果仁煮，好好味。

想食西班牙炒飯，約埋朋友又再去，今次主要點main course。

suckling pig 皮香脆肉juicy ，好香，下面用菠蘿墊底減輕油膩，refresh 下，good

roasted sea bass 全條開邊上，有睇頭，sorry，詞窮，再次寫外脆肉juicy，配埋新鮮什菜，好豐富

roasted lamb rib 好鬆軟，醬汁惹味

西班牙炒飯，一個肉一個魷魚，兩者都好咸，不過又幾好食喎

炒墨魚

西班牙奄列

八爪魚

沙律

門口開在橫街，餐廳在2樓

地方寬敞，鴿子裝飾處處

大大個烤爐，出品不俗

洗手間都放滿鴿子裝飾