close
(房間內的手繪繪本,介紹酒店周邊觀光地點)
因為要連續住幾日,房間又唔可以太細,又比唔起錢,最後決定住呢間離商店街約10分鐘車程的酒店,由於係自駕,所以問題唔大。酒店在海邊碼頭附近,賣點係對正櫻島火山,所有房間全部向海,喜歡睇日出的可以睇個夠。櫻島火山係活火山,間中仍會爆發,所以酒店有個住宿plan係火山爆發時d煙噴得愈高,房價愈平,真係唔知要唔要平價好。酒店係渡假酒店,好大間,有宴會廳,又可以辦婚禮,晚晚都好熱鬧。不過房間同設施都較舊。我book非吸煙房,但入到去都一陣煙味,呢個情況在日本已經唔係第一次,之前的貴價温泉酒店、五星級酒店都有試過係咁,可能我黑仔。房間闊落,若唔嫌舊左d,可以近距離望住個櫻島火山都係值得的。酒店有泳池,但池底唔夠清潔。另外有室外暖水浴池開放至晚上10點,可著泳衣浸。我無時間,兩樣都無享用過。
房間夠大但頗殘舊
有兒童用品供應
呢個景應該係酒店最出眾之處
火山爆發統計
酒店外貌
向海單位
酒店對面有Lawson 及漢堡包店,唔怕餓親
洗衣房好大
泳池都像樣,充滿渡假氣息
暖水浴池,可穿泳衣浸
來一場海外婚禮?
文章標籤
全站熱搜
留言列表