有80年歷史的築地魚市場快將搬遷，此紀錄片在搬遷前作一個總結。全片內容從築地市場的歷史至市場交易至日本飲食文化至教育至𠄘傳都有觸及。其中職人文化令我感受至深，除左專業以外，重有尊重。尊重自己，尊重他人，尊重工作。因為尊重，自然會著緊，有要求。買手對漁民尊重，希望為漁民努力捕捉的魚賣到好價格、廚師對中介買手的尊重，對其專業知識的信任、魚販與魚販之間的尊重，大家抱住良性競爭的態度，全部都感動到我。築地，除左係一個遊客熱點外，仲係一種文化，市場交易係靠人與人之間的關係去經營，就如其中一位魚販所講 : 做生意係靠每天面對面的溝通，並非只靠電話電腦，今時今日更覺可貴。睇完電影就似眼睛享受左一塲盛宴，築地市場的運作令我眼界大開。誠意推薦愛吃愛日本文化重人情味的你。
全站熱搜
留言列表
香港食食食 (25)
