一套戲，就算幾大卡士，幾好氣氛，幾勁場面，劇本故事唔好都係死症。上集已經睇到炒蝦拆蟹，今集又係玩泥沙咁，全部高層為威喂，挫大dee咁話邊個做呀頭就做呀頭。高層個個神勇，若果警隊真係咁，真係準備定一打接班人都唔掂。故事有幾犯駁都無謂講，預左。但戲內各人都用力地演，個個面容繃緊，除左德彬同發哥叫鬆少少，其他人個個死老豆咁feel，莫非導演要求？唔知點解會攞多次影帝的郭先生將處長的冷靜沉著發揮得淋漓盡致，因為全套戲從頭到尾都係一個表情：無表情，睇到火起。我已經盡量以平常心睇，但睇到宇宙無敵爛的結局真係忍唔住笑住爆粗。睇呢套戲純粹為左陪朋友，若佢再要我陪佢睇第三集，我會絶交😡😡

話分兩頭，全套戲最值得欣慰係用左好多電視演員，起碼多個機會做大銀幕。感覺除左譚玉瑛姐姐之外都幾乎出哂😜

arrow
arrow
    全站熱搜

    Hearoom 發表在 痞客邦 留言(0) 人氣()

    E-mail轉寄