THE LINK UP@觀塘 @ Foodie 生活雜誌

(門口係普通office )

4/2016光顧

發現呢間餐廳真係有段古(麻煩比點耐性)。話說喜歡一個本地牌子的衫，隔左一排無幫襯，再去時已經執左，我居然發神經上網揾，結果原來已經無做門市，改為做開倉，咁啱又開在觀塘，當然要去。上到去發現原來隔離係餐廳，係買衫果邊個日本女時裝設計師開嚟玩煮飯仔。只開星期一至六中午十二時至兩點半，煮的係連我都識煮的簡單嘢，味道亦都係我都煮到的味道，即係全無技巧，但勝在環境舒適，無咩人，食物無味精，充滿日本小確幸感覺。點完餐過隔離揀衫，食得就叫我番過來，自己屋企一樣。

餐具簡單，但唔知點解配上枱墊就變得好精緻，日本人獨有風格。簡單的香蒜烟肉意粉，個意粉有d仲係黐埋一齊，似喺屋企自己煮。