close
星星餐廳，上年來bangkok時已想試，奈何聽講一餐要食三粒鐘，曼谷實在太多美食，我花唔起呢個時間。今次book酒店時package 包個午餐，有藉口試下。餐廳以傳統泰國佈置，兩個水池以蓮花點綴，襯上一室沉色柚木，加上一個泰式涼亭，配合燈光，感覺華麗優雅。有兩款set lunch 選，泰式fusion，擺碟同食物配合都好有心思，比之前同樣係食泰菜fusion 的OSHA更細緻。食材高質素，味道好，整體用餐感覺良好，若果包多杯茶會更圓滿。不過窮風流有coupon，食完過對面餐廳飲埋杯free drink再call taxi 去機場，偽貴婦的半天。
蓮藕片
造型同質感都似Meringue蛋白餅，但係咸的。 侍應送來時係一個放滿芝麻的玻璃器皿，之後侍應搖下搖下個Meringue就出現，好有趣。配上wasabi yogurt , nice
又有花臣，侍應小姐喺你面前即場撈個沙律辣汁。你自己撈都得。
個汁用來配個和牛。 青瓜片得薄薄，卷到靚靚，配辣汁食，清新的青瓜配濃郁的和牛，配上辣汁剛剛好
嫩滑鵪鶉脾加香甜菇菌再配塊香煎雞皮，加入椰汁，配白飯。望落簡單，但因為全部食材都好優質，好好味！
朋友唔食牛，頭盤係帶子，目測佢食得滿意
朋友主菜係pork belly，好鬆軟入味的東坡肉
甜品睇個陣式都厲害，大大舊木載住，包保唔會推跌。班蘭雪糕加開之菓jelly，椰子碎下面蓋住蛋糕，唔太甜又有多重口感，好開心的甜品
朋友的香蕉蛋糕配鹽味雪糕，都話好味
文章標籤
全站熱搜
留言列表
香港食食食 (25)
