Foodie 生活雜誌

香港店分別食過午餐及晚餐，印象非常良好，嚟開澳門又去朝聖。窮風流當然繼續食set lunch （其實晚餐都係千零蚊個set，以呢個水準計，又唔係話十分貴)。set lunch六舊水有齊頭盆、湯、pasta、main course 、dessert 再加咖啡或茶，美味又滿足的一餐。價錢唔平但值得，心思思又想去香港店了

麵包有五款，都係一般款色，普通，係個橄欖包比較出色。橄欖油同醋都好味

 頭盤 大家都選紅蝦carpaccio。蝦肉鮮甜，配上魚子醬伴住帶橙味的sauce食，味道好有層次。

湯 雲吞狂熱的我選veal & ham tortellini 清湯 清湯牛肉味濃郁，加埋同樣濃味的火腿雲吞，真係想加多個米粉落去食(原諒我草根)

 朋友點的海鮮湯 好香的龍蝦湯 好香

pasta 大家都點左龍蝦意粉 意粉隻質感好好，咬落有點粗糙感，食到麵粉的感覺，夠彈牙，唔識形容，總之係好食。簡單配個帶點酸的sauce，加上彈牙龍蝦肉，美味！

朋友點的主菜係魚 amberjack 肉質較實，但唔靱，簡單配橄欖油同岩鹽，伴個purée 食，清清地，唔錯

 主菜 澳洲和牛肩 又係果兩句 : 肉嫩牛味濃 (自己寫都覺得悶，無奈詞窮，請見諒）通常食肉個sauce係咸，但呢個sauce好甜，又幾好食喎，配菜新鮮，成碟清哂。

 甜品加$80 latte gelato 加vanilla chantilly，好幼滑，伴住新鮮berry加埋細細舊海綿蛋糕一齊食，好豐富的甜品

朋友點的朱古力甜品，由五款不同味道，不同濃度的朱古力組成，好有層次感

咖啡極香濃，眼瞓飲完都會立即變精神，勁！

茶有幾款揀，朋友點左Jasmine green tea，茶包係長三角形，上面有塊葉，好鬼精緻，可能先入為主，覺得杯茶都清香d

 有小孩同行，散點左個cheese ravioli 。簡單的雲吞包住mozzarella cheese 配個香草蕃茄汁，一切很美只因新鮮，小朋友連食三個，認真識食。