Foodie 生活雜誌

吉祥寺係另一個家品雜貨天堂，一出車站北口已經係購物街，購物街固然好好行，但亮點係東急百貨後面的幾條街，好多個性小店，家品、日本style 時裝，小物等。同自由之丘頗相似，但因為店鋪在民居，感覺更親民，不太商業化。 喜歡的品牌如natural laundry, grin 等都可以在此買到。去到商店街就更熱鬧，除左一般藥房家品店，亦有東急及Paco，仲有一楝六層專賣outdoor 用品的店，呢度唔似新宿池袋等地方咁有壓迫感，逛得舒適，好喜歡的一個地方。

吉祥寺街頭

 特色小店

 米鋪

比起吉祥寺的街坊閒適，自由之丘的中產小確幸，南青山就係貴婦散步地。名牌潮牌分散在區內，店子設計獨特，各有特色，就算海報都特別有型，區內貨品係窮人勿近，但有時喜歡未必要擁有，知道潮流趨勢，睇下品味設計，就算只係window shopping 都滿有樂趣。

南青山 搞婚禮影婚紗相的地方

 型仔海報

表參道之丘 以前行過只覺得整座現代化的建築突然有一部分係舊建築，似時光倒流般不變，感覺特別，睇書後才藝先知道係新舊共融的結果

東京市容雖然已有點殘舊，但作為一個國際大都會，設計之城，喺街上仍然可以見到好多有型靚靚的建築物。我唔係特別揾呢d建築物，只係行錯路時遇見，所以行錯路都變成樂趣。

出發前剛好睇左建築遊人的的著作「築覺II」介紹左東京的建築。我對建築毫無認識，但靚嘢總會多睇兩眼，若無睇書，只會覺得係美麗的建築物，但睇完書再睇，知道背後的故事，設計與工程的困難，整件事就更有意思了。

 歌舞技座 在築地市場附近，若平常行過只知道係古老建築，而家會欣賞後面加建後的古老與現代結合的感覺

愛瑪仕總部，全幢用玻璃磚砌成

mikimoto銀座二店 窗口如星光碎片散落在大厦四面，晚上睇似首飾盒

一條行人斜路由1樓至7樓，走在上面就似由橫過整片玻璃幕牆，好特別，但個設計被批評

東京mode學園 喺我住的酒店附近，唔使睇書都知道特別，今次旅程每日都經過，喺不同角度，或遠或近都欣賞過了