2016 曼谷遊酒店篇 Siam Kempinski Hotel Bangkok@SIAM @ Foodie 生活雜誌

(premier room, 五百幾尺，standard 佈置，不過好隔聲)

酒店走豪華路線之餘又有鬧市中的綠洲感覺。地點超方便，一出去已經係SIAM BTS Sky train 站，又可以用sky walk 行去四面佛，附近商場食店spa乜都有，基本上唔使離開呢區都可以豐富地過足四日三夜。好耐無住過呢類豪華大型酒店，由lobby行去房間都好耐。今次住premier room ，房間夠大，一般5星級酒店設備，房間新淨，所有房間都對酒店住中間的內園及泳池，走出露台望到綠樹林蔭，小鳥蝴蝶飛舞，又真係好有閒適感，就似住在大型高級住宅。酒店中庭係游水池位置，亦係酒店特色之一，某些房間就在池畔，一行出露台已可以落水。可惜我並唔欣賞，由於非酒店住客都可以入來參觀，私隱度低，設計就似住宅會所，而且全個水池區處身其中好似有被包圍的感覺，除左酒店建築包圍外，無論行過的住客、餐廳內的食客都可以睇到你游水，感覺似在金魚缸內。水池間開一格格又淺水，唔多適合游泳，哂下太陽浸下水就得。早餐非常豐富，不過另點的奄列等食物就普通。今次住完豪華大酒店後覺得都係小型精品酒店合我心水。不體酒店服務非常好，有賓至如歸的感覺。