故事簡單得有點悶,講的不外乎係生存、成長、復仇、情義。不過重點係CG特技,講到咁勁,忍痛花百幾銀入塲睇IMAX3D,果然無令我失望,整個森林充滿層次感活現眼前,喜歡動物的我更加睇得開心。講原則的狼首領、慈祥的狼媽媽、亦師亦友的黑豹、玩世不恭又極有義氣的黑熊、追求權力的猩猩王,殘暴的老虎、全部活靈活現,非常迫真,唔講我真係以為動物識講話,連口型都夾埋。不過最勁係個細路,點樣對住塊布做戲?全片製作認真,畫面豐富,睇咁多年森林戲,終於見到人類身上有傷疤。視覺效果精彩,宣傳話比阿凡達更勁,但我就認為整體嚟講都仍然覺得阿凡達好d。片尾的工作人員名單非常長,成日覺得睇電影好抵,用左咁多人力物力製作一套電影,我就舒舒服服坐在涼住冷氣在欣賞,真係抵到爆炸。

arrow
arrow
    全站熱搜

    Hearoom 發表在 痞客邦 留言(0) 人氣()