Foodie 生活雜誌

(盤蠔個presentation 真係差，賣相似求其揾個面盆裝d冰，仲要座冰粒而唔係碎冰，down grade 哂。 呢盆全部係法蘭西蠔，三款，每款三隻，分別係mermaid, black pearl 同gillardeau。可能唔啱季節，全部都唔夠鮮甜肥美，好一般。)

3/2016光顧

有謂 : 「少食多滋味，多吃壞肚皮」。有d食物一年最多食一兩次，例如大閘蟹同生蠔。今年的生蠔餐安排遲左，三月份的法蘭西蠔已不再肥美，可幸全球物流發達，可以由其他地方的接力，尚算可以。(其實我只識蠔來張口，唔識咁多，都係經理話事) 一般海鮮都可以在此餐廳食到，難得熱食都做得唔錯，若無新選擇，下年再來。餐廳有會員制，不定期推出優惠，今次係生蠔買一送一，另外回䁬全單消費的10%下次用，唔錯。不過食得蠔都唔荒平，要有心理準備。

呢盆分別係Namibia(南非)、Arousa(西班牙)同Isabella(法蘭西) 前兩隻就肥美好多，不過只係爽口，但蠔味不足，唔夠甘甜。

scampi  好大隻，鮮甜多膏，要開邊食

cherry stone 好懷念第一次食的時候鮮甜肉厚的感覺。可惜cherry stone 總係水準不穩定，咁多年來遇到好食的5隻手指數得哂

海膽伴莎莎 呢個好無謂，中間個salsa同海膽完全唔夾，去city super 自己買pack 加拿大海膽好了

熱食開始。三個湯 : 鮮蠔、磨菇、蟹肉南瓜(忘了影) 全部都足料味香濃，唔錯

蒜蓉飽另點, 好香口

香草田螺焗大啡菇

龍蝦risotto 經理一開始就話要留，仲只可以比一客我地，講到咁勁，梗係要！結果都唔錯，足料，啖啖龍蝦肉，整個飯香濃美味。

鵝肝野菌扁意粉 呢個我幾欣賞。鵝肝唔係一般的就咁一塊放上面，而係打成醬撈意粉，每條意粉都沾滿濃濃的鵝肝汁，加上野菌香，不俗。

紐西蘭羊扒  煎得非常嫩，好好食。另外開左支酒，無影相