舞鶴@銅鑼灣 @ Foodie 生活雜誌

2/2016 光顧

對日本菜我比較專一，但之前食開的有需要轉，見近排開左好多新店，開始踏上試新店之路，希望一擊即中，試到好的就唔使轉來轉去。位於銅鑼灣的舞鶴，師傅係千里之月出來的Andy。今日去食午餐，師傅病了，但反正係午餐，影響不大。午餐選擇多，壽司魚生熟食都有。我選壽司套餐，分8件同12件，12件再送手卷。點菜前經理知我第一次來，已交代因為年晚收爐關係，質素可能有點影響，即係我幫手清埋貨尾😜？壽司質素普通，頭幾件的壽司飯甚至有點硬，好在一反映已立即改善，刺身質素普通，不過連加一三百蚊一個餐，有埋前菜烏冬甜品咖啡，份量好多，幾抵食。會比多次機會我自己，希望下次師傅喺度會發揮到應有水準。

刺身不夠鮮甜，用料幾好，有白子，鮟鱇魚肝，不過硬係差左d嘢咁，可能質量問題