IMG_6997  

(半露天,街上人流不多,坐下hea下幾舒服。)

11/2015 光顧

 耐唔耐都會入西貢逛下食下。西貢好多餐廳,款式又多,通常入來之前會選定心水,但今次就無,諗住四圍逛逛,啱心水就入去。經過呢間,平時次次行過都得小貓三四隻,今晚出奇地滿左一半,又見有枱客食緊碟青口好似唔錯,就坐低試下。點左幾款簡單菜式,味道可口,係西貢餐廳的一個不錯的選擇。侍應推薦我食$68的午餐,大家若假日來到可以試試。話說同友善健談的侍應呀姐反映個白酒汁較淡,佢二話不說攞起枱上乾淨的刀試味,不拘小節得來又夠認真,我buy !

 $198的青口套餐,包一杯白酒及薯條。青口用法國藍青口,又滑又嫩,可選白酒或忌廉煮,我怕膩,選白酒,味道較淡,可能選cream會好d。白酒係house wine,唔好有要求。薯條炸得唔錯,外脆內軟,粗少少更好。

 

   

  

橄欖油蒜片炒意粉  每次想食得清清地就會選呢個意粉。今次的蒜片好香,意粉彈牙,幾好

  

 另點蒜蓉包伴白酒汁吃

  

通常去新店都會問下侍應推薦,今次呀姐推薦清酒昆布鮑魚凍食。除左特別貴(細細隻盛惠$108)之外又唔覺特別好食

   


 

 

 

arrow
arrow
    文章標籤
    西貢
    全站熱搜

    Hearoom 發表在 痞客邦 留言(0) 人氣()