10/2015光顧
沙田凱悅酒店中菜廳。open kitchen設計，中菜少見，點心選擇唔多但精緻有心思。地方大，寬敞舒適，有室外雅座，找一個風和日麗的中午來嘆下，之後過隔離中大行下，一個唔錯的節目，不過價錢唔平，若好似我咁鍾意四圍試的可以試下，否則同等價錢，大把選擇，唔使山長水遠入來。
石榴球都唔錯，石榴球啖啖蟹肉帶子，好足料，高湯亦清甜
茶果蘿蔔板，似咸版糯米磁包住蘿蔔餡
牛肉陳村粉有麻香但唔夠勁。
點左半隻片皮鴨，薄餅好薄，鴨肉分三碟上，有凈皮，凈肉同皮加肉。淨皮點糖食，網上話入口即溶，我又唔覺。凈肉就有點乾瘦，麻麻，咁當然皮加肉都係普通啦。包鴨的青瓜都係乾乾地，似乎呢度咁出名的片皮鴨唔多合我心水。不過醬料中有蒜蓉醬，包埋一齊都算ok。由於分三碟上，感覺無咁豐富，似食剩菜大碟轉細碟feel。
凈皮
皮加肉
凈肉
環境一覽
文章標籤
全站熱搜
留言列表
香港食食食 (25)
