9/2015光顧
餐廳處於石板街旁，高雅貴氣精品酒店The Pottinger HK內。一入門口，英式的簡單高雅感覺已贏得好感，餐廳裝潢與酒店吻合，氣氛輕鬆，頭盤、pasta、甜品都唔錯，但main course 點左4個有3個唔得，朋友尖咀C話lunch set 唔錯，想試的話，建議食lunch set 點pasta 就可以了。
麵包唔出色 不過可以食兩個打底(幹粗活的人習慣)
octopus salad 八爪魚柔軟入味，配上沙律，顏色鮮豔，胃口大開
煎鵝肝 普通
煎帶子 普通，熟左少少
白酒蜆肉linguini 味道ok, 兩個朋友食到蜆肉有沙，我就唔覺，唔知係好彩定食左都唔知
自家製fettuccine配牛尾肉汁 肉汁味道濃郁，fettuccine彈牙，我喜歡
海鮮意大利粉配海膽忌廉汁 urchin cream sauce 剛好包住意粉，又唔會太厚，更可帶出海鮮鮮味，唔錯
grill steak (因為係share, 未影已被朋友切開左，所以賣相欠佳。） 尖咀C點medium rare，點知上枱時過熟，尖咀C唔接受，經理解釋因為件steak 薄，離開爐後熱力沁透會再熟d，呢個理由當然唔會接受啦，咁咪間接話我知個廚功力唔夠？不過經理亦友善地提議可以換另一款菜色都得，咁就點春雞。其實個steak 雖然over cook但其實味道唔錯，唔通要點3成熟？
燒春雞 由牛變雞，又係果句，西餐甚少點雞，無一次有好結果，今次一樣。雞肉鞋，無味，連雞皮都唔香。都係中式雞啱我。
黑毛豬扒伴蘋果蓉 點菜時睇漏左個「Milan style」原來係炸的。炸粉唔夠薄，食唔出黑毛豬應有的鬆化感覺，結果當然係負評
羊架 係唯一對辦的主菜，肉嫩，味道正常
moscato jelly 配椰子雪糕 moscato 係一種葡萄的品種，呢度的moscato jelly 應該係白酒啫喱，因為有酒味。椰子雪糕清甜，配合得唔錯
Tiramisu 餐牌上呢款甜品有頂廚師帽在旁，諗住應該唔錯，但又實在普通，可能我喜歡酒味較濃的
Cassata 意大利雪糕 雪糕加上菓肉同開心菓，唔太甜，幾好。
酒店大堂高雅
留言列表
香港食食食 (25)
