書本、電影、音樂係腦袋的養分，亦係記憶的一部分。雖然好多時候睇完就忘記內容，但一個畫面，一段音樂或一句文字會不知不覺間留在腦海中。對於我，其中一部好有記憶的電影係「兩生花」，當年睇完雖然唔明白，但居然覺得好好睇，印象深刻。得知今年「夏日電影節」重影，立即訂票觀看。套戲由我當年做偽文青到今日的偽文中，都係睇唔明。但仍舊被戲內的配樂，鏡頭下的唯美畫面同戲內的神秘氣氛與感覺吸引，兩位女生在廣場相遇的一塲戲更成為腦海中的畫面。即係由偽文青過渡至偽文中的我對電影的認知係毫無進步，分別只在於偽文青時對巴黎及Krakow 的印象是由電影而來，到偽文中時，已踏足過此兩片土地，留下美麗回憶。
情書
好的電影係永不過時，再睇又有一番感受。以本片為例，當年並不太明白故事內容，記憶中係一個陰差陽錯的愛情故事，男女主角俊美秀麗，畫面優美，配樂動人，最深刻的記憶係美少男藤井樹與經典畫面 ：中山美穗向住雪山不停問「你好嗎？我很好！」。但今日再睇，少年主角的清澀初戀，爺爺對兒子去世的自責傷痛，藤井君好友秋葉君為好友去世的內疚，對博子的深情守護，故事裡表達的感情與思念都令我感動不已 。可能情懷不同了，今日的我會為博子的癡情心痛，為女版藤井樹知悉年少時曾被暗戀，但對象已消失人間而黯然神傷。睇到最後博子決定放下並對著藤井君遇難的雪山向其道別，女版藤井樹得知真相後的遺憾都令我眼淚汨汨而下，淚流滿面。
中山美穗一人分飾兩角，演出動人，無論深情的博子或是可愛的藤井樹都演得出色。加上在小樽取景，多年後的今天已去過數次，感覺更強。
聽講年老的其中一個徵兆係成日認為新不如舊。散場時聽到旁邊兩位少女話「都係校園愛情片，果套那些年，弱爆」，聽完不禁會心微笑，原來好戲就係好戲，唔關老事😆
全站熱搜
留言列表
香港食食食 (25)
