close
好耐無睇湯生，一開場見到佢已唔知點解笑左，佢keep 得好好，連演技都係，當terminator 的阿諾都有進步時，難得湯生表情動作仍然廿年如一。整套戲劇情悶蛋，但場面悅目。幾個大塲面都拍得精彩，戲內的高科技玩意有趣新穎，套戲唔怕睇唔明，因為臨尾會似TBB劇集咁畫公仔畫出腸地解釋一次你知。配角同女主角都唔錯，幾生鬼，難得個個拍埋湯生度都咁高咁大(當然係講身型，唔通係地位咩)，唔易揾？今次女主角好搶鏡，身手又好，著住對「天比高」鞋都如履平地。已抱住「不要問，只要信」的信念入塲，但好多塲口仍然令我忍俊不禁，隔離果個話我笑得有點不屑，我有咩？無呀！
全站熱搜
留言列表
香港食食食 (25)
