4/2015 光顧

城中熱門米芝蓮星星法國餐廳,窮風流的我,當然繼續食lunch。作為星星餐廳,價錢算親民,由三百零蚊3個course 至四百零蚊5個course 。環境都係而家最興的有型cozy裝飾,有花園位,亦有private room。 唔算難book,早一日訂都有位,不過只能被安排坐吧枱,坐位算舒適。但個open kitchen 就令我對呢間餐廳大打折扣。呢類餐廳隊team 通常好似on stage 咁,認真有型地煮嘢食。但呢team人一睇套制服就知型唔起,頂帽居然係紙帽,仲要係中間有層薄紗透氣的,配埋套白色衫,以為去左食高級燒臘!加上個個煮到hea下hea下咁,全無台型,煮出來的食物點會好食?就算型仔主廚出來見到我食mussel無匙用,親自叫人幫我攞匙都救唔番。想做高級,靠一個人點得?食物麻麻,成個餐牌只可揀到三個course,(我通常一定點5個course) 服務亦唔專業,我點的菜售罄都唔通知我,我見廚房煮來煮去都無我點的,唔對路,問下至知。作為一間星級餐廳,我覺得係唔應該出現呢個狀況。不過見開飯網好評如潮,應該係我唔識欣賞?定係lunch平d,所有嘢都降grade?
 
地址 : 銅鑼灣恩平道2-38號Shop 308, 3/F, Phase 2, Lee Garden
電話 : 25056228
 
 
碟沙律配椰菜⋯少見⋯
 

蕃茄沙律,  蕃茄好甜

   

栗子湯 好咸

 

焗青口 以為去左泰菜, 又係好咸, 好彩有後面青瓜平衡下味蕾

scampi伴紫米risotto ,以為食紫米露。賣相唔得,而且好咸。

朋友點的菠蘿carpaccio, 我無點甜品, 選唔到
   
   

我一入去見到廚房呢個陣式都暈低左,以為去左「新良友茶餐廳」。真係唔明個廚點接受。整塊頭巾都好吖,紙帽!頂帽嘅紅色條紋真係一絶,娘到喊咗出嚟。班廚炒到hea下hea下,d食物分成一份份放在錫紙兜,再倒出來煮,我知係要照住主廚的formula ,但都唔好咁核突。親眼見佢攞番碟扒入去再掉番落塊鐵板再煎,係掉!嚇死我!大佬,你走高級法國餐廳路線呀,一係就唔好整open kitchen , 失禮!

    
 
 
arrow
arrow
    全站熱搜

    Hearoom 發表在 痞客邦 留言(0) 人氣()